ალუმინის ფოლგა დიასახლისის შეუცვლელი დამხმარეა. რჩევები Hcleaner-ისგან:
მას იყენებენ აირღუმელში კერძების მომზადებისას, პროდუქტების შესაფუთად, ქვაბების გასახეხად, ვერცხლის ნაკეთობების გასაწმენდად…
დღეს შემოგთავაზებთ ხრიკს, რომლის წყალობით ტანსაცმელს 3-ჯერ უფრო სწრაფად გააუთოებთ.
როგორ გავაუთოვოთ სწრაფად გაუთოების პროცესის დასაჩქარებლად, დაგჭირდებათ ჩვეულებრივი ფოლგის გრაგნილი.
მოხსენით საუთოებელ დაფას შალითა, ზედაპირზე გადააფარეთ ფოლგა.
ფრთხილად გადააფარეთ შალითა დაფას და დაიწყეთ გაუთოება. ფოლგა სითბოს შესანიშნავად ირეკლავს, ამიტომაც ტანსაცმლის თითოეული ნაკეცი იდეალურად გასწორდება ორივე მხრიდან სწრაფად!
ასევე, ფოლგის დახმარებით შესაძლებელია აბრეშუმის, შიფონისა და ვისკოზის დაუთოება. იმისათვის, რომ სათუთი ქსოვილი არ დაზიანდეს, მოათავსეთ ტანსაცმელი ფოლგაზე, გადაატარეთ უთო 3-5 სანტიმეტრის მოშორებით ორთქლის რეჟიმში.
